Sa dolaskom toplih dana, pojavio se i jedan od učestalih ljetnjih problema masna kosa.
S višim temperaturama i znojenje je u porastu, što znači da se znoj miješa sa sebumom na tjemenu, zbog čega se čini da je kosa masnija.
Tom problemu doprinosi i vrijeme jer je vlaga često pojačana, pa se pojačava i nivo vlage u kosi. Ne pomažu ni dodaci koje ljeti rado nosimo, poput sunčanih naočara koje znamo da stavimo na vrh glave, a pomažu u prenosu masnoće. Ipak, postoji nekoliko trikova koje možete isprobati kako biste riješili problem pojačanog mašćenja kose.
Ne pretjerujte s pranjem
Kako je kosa sve masnija, može biti primamljivo i logično rješenje da učestalije perete kosu. Međutim, stručnjaci kažu kako je ovo zapravo jedna od gorih stvari koje možemo da uradimo.
Naime, kažu da ako kosu peremo svaki dan, vlasište ima osjećaj kao da konstantno mora da proizvodi sebum.
Tako se stvori začarani krug u kom se osjećate kao da kosu morate da perete svaki dan, a to pranje nema efekta.
Ako ste upali u takvu “zamku”, profesionalci kažu da se možete odvići – smanjite broj šamponiranja i koristite proizvode bez sulfata.
Suvi šampon je najbolji saveznik
Za borbu protiv masne kose između pranja i održavanje svježine i volumena poslužiće šampon za suvo pranje kose.
Dodajte ga u područje korjena kose kako bi apsorbirao višak ulja, znoja i nečistoća. Takođe, kosi će podariti volumen i teksturu.
Ako vam se čini da vlasište ne reaguje dobro na suvi šampon i da se stvara iritacija, stručnjaci savjetuju da šampon poprskate na četku, a zatim njom prođete kroz kosu.
Kad perete kosu, birajte lagane proizvode
S ljetnim danima, možda ćete morati da promijenite proizvode koje koristite u rutini njege kose, poput kombinacije šampona i regeneratora.
Stručnjaci savjetuju da izbjegavate proizvoda sa silikonima i sulfatima i da ispirate kosu hladnom vodom jer hladna voda pomaže vlasištu i reguliše protok krvi.
Pripazite i kod korišćenja regeneratora – nemojte ga nanositi na korjen kose jer to može uzrokovati “težinu” i posljedično mastan korjen kose. Isto važi i za proizvode za stilizovanje kose koji mogu da se nakupe na vlasištu.
Nosite punđu, rep ili pletenicu
Ispostavilo se kako sva masnoća u kosi nije iz vlasišta i korjena kose, nego se kosa može zamastiti svaki put kad je dirnete.
Kako biste izbjegli učestalo diranje, zavežite kosu jer će punđa, rep ili pletenica sklonitu pramenove sa masnog lica ili oznojenog vrata, a pritom ćete i izgledati šik, piše Večernji.hr.
Najnovije vijesti Srpskainfo i na Viberu