Ovo su namirnice koje nikako ne biste trebali stavljati u zamrzivač.
Jaja
Nemojte uništiti savršeno dobra jaja stavljajući ih u zamrzivač. Iako je u redu razmućeno jaje pohraniti u zamrzivač, voda u tvrdo kuvanom jajetu može se raširiti toliko da ga razbije, a kroz pukotine u jaje mogu ući različite bakterije. A ako ljuska i ne pukne, bjelanjci će ionako postati gumeni, što je jedan od razloga zašto zamrzavanje jaja nije dobra ideja. Soseve na bazi jaja, poput senfa ili majoneze držite podalje od zamrzivača, ako želite da zadrže svoju teksturu.
Mlijeko
Ako stavite mlijeko u zamrzivač, nećete ga više imati. Umjesto toga, imaćete gadan, zgrušani nered. I to nije jedini mliječni proizvod koji biste trebali prestati stavljati u zamrzivač. Ne samo da će se kremasti sir, svježi sir i kiselo vrhnje odvojiti nakon što su zamrznuti, nego će svaki sir promijeniti teksturu. Postaće mrvičasta ako je bio tvrdi sir, a kristalizovati se ako se radi o mekanom siru.
Pržena hrana
Pržena hrana jako je ukusna kad je svježa i topla. Kad se ohladi, ukus joj je drugačiji, a ako je i zamrznete, biće je jako teško podgrijati, a ono što je trebalo biti hrskavo postaće gnjecavo.
Gazirana pića
Ovo je pogreška koju ćete napraviti samo jednom. Hlađenje limenke gaziranog pića u zamrzivaču možda zvuči dobro, ali rezultovaće eksplodiranom limenkom i ljepljivim sokom koji će se raspršiti po cijelom zamrzivaču. Stoga, limenke radije držite u frižideru.
Skuvana tjestenina
Ili “al dente” ili nikako! Ako zamrznete kuvanu tjesteninu, dobićete kašaste, mlohave rezance koji su sve samo ne ukusni. Ali ako tjesteninu skuvate “al dente”, što znači da ostane malo tvrda kad se žvaće, biće ukusnija kad se ponovno zagrije.
Povrće koje je bogato vodom
Ako zamrznete svježe povrće, postaće kašasto i premekano. Salata, krompir, krastavac, lubenica i jabuke imaju visok udio vode, koja se u zamrzivaču pretvara u led. Kad se taj led otopi, dobićete vrlo neukusno voće i povrće.
Odmrznuto meso
U redu je meso zamrznuti jednom, ali ako ga odmrznete pa ponovno vratite u zamrzivač, možete podstaknuti razmnožavanje bakterija što vam može ugroziti zdravlje, pa radije odmrznite samo onu količinu mesa koju možete pojesti, a ne vraćajte sirovo odmrznuto meso nazad u zamrzivač.
Krompir
Da, “McDonald’s” zamrzava pomfrit prije nego što ga pošalje u restorane, ali to ne znači da i vi to možete napraviti kod kuće na isti način. Kako objašnjava Univerzitet “Penn State”, zamrzavanje krompira će odvojiti škrob i vodu iz krompira, pa će odmrznuti krompir postati kašast, piše Bosnainfo.
Marmelada
Ako zamrznete teglu voćne marmelade, kad se odmrzne, promijeniće joj se tekstura. Kako objašnjava Nacionalni centar za čuvanje hrane na Univerzitetu Džordžija, smrznuta marmelada “može natopiti hljeb” kada se odmrzne, a to niko ne želi.
Najnovije vijesti Srpskainfo i na Viberu